top of page
ᑕᕐᕆᔭᐅᓯᐅᖅᑏᑦ
ᕗᓗᐊᕆ ᓴᕐᔭᓐᑦ ᐅᐃᕖᖑᔪᖅ ᐃᓕᓴᕆᔭᐅᔾᔪᑎᖃᖅᖢᓂ ᐃᒪᓕᕆᓂᕐᓄᑦ. ᖃᐅᔨᒪᓂᕆᔭᖓ ᑕᐅᑐᒐᖃᓪᓗᐊᑕᖅᐳᖅ ᖃᐅᔨᓴᖅᓯᓂᕐᒥᒃ ᐊᒃᑐᖅᓯᓂᐅᓇᔭᖅᑐᓂᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐅᑭᐅᖅᑕᖅᑐᒥ ᐃᒪᖁᑎᒋᔭᐅᔪᓄᑦ. ᐊᓯᓄᑦ ᐱᓕᕆᔭᒥᓄᑦ ᖃᐅᔨᓴᖅᑕᒥᓂᑦ, ᐊᔭᐅᖅᑐᐃᖏᓐᓇᖃᑦᑕᖅᐳᖅ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᒃ ᐃᓚᐅᑎᑕᐅᓂᖅᓴᐅᖁᓪᓗᒋᑦ ᖃᐅᔨᓴᖅᑐᓕᕆᓂᒃᑯᑦ ᐅᖃᖃᑎᒌᖕᓂᒃᑯᑦ, ᓇᓗᓇᐃᖅᓯᕙᒃᖢᓂ ᐱᒻᒪᕆᐅᓂᖏᓐᓂᒃ ᐃᓱᒪᒋᔭᖏᑕ ᑖᒃᑯᓇᓂ ᐱᒻᒪᕆᐅᔪᓂ ᐊᐃᕙᔾᔪᑕᐅᔪᓂ.
ᒪᑎᐅᓪᑦ ᐳᐊᕆᐊᐃ ᑯᐸᐃᒃᒥᐅᖅ ᖃᐅᔨᓴᖅᑎ ᐃᓕᓴᕆᔭᐅᓪᔪᑎᖃᖅᖢᓂ ᐆᒪᔪᓕᕆᓂᕐᓄᑦ. ᖃᐅᔨᓴᓪᓗᐊᑕᓲᖅ ᓯᓚᐅᑉ ᐊᓯᔾᔨᖅᐸᓪᓕᐊᓂᖏᓐᓂᒃ ᐊᐳᑏᓪᓗ ᖃᓄᐃᓕᖓᓂᖏᓐᓂᒃ ᐊᒃᑐᖅᓯᔪᓂᒃ ᐅᑭᐅᖅᑕᖅᑐᒥ ᓂᕐᔪᑎᓂᒃ, ᑕᐃᒪᐃᓐᓂᖓᓄᓪᓗ ᓇᒧᙵᐅᕈᓘᔭᖃᑦᑕᖅᓯᒪᕗᖅ ᖃᔅᓰᖅᓱᑲᓪᓚᒃᖢᓂ ᐅᖓᓯᒃᑐᓄᑦ ᓄᓇᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ. ᐱᓕᕆᔭᖏᑦ ᐱᓕᕆᖃᑎᖃᕐᓂᒃᑰᓲᑦ ᑭᓱᓕᕆᓂᕈᓘᔭᖅᑎᒍᓪᓗ ᐱᓕᕆᓲᖑᓪᓗᓂ, ᑲᑎᑎᖦᖢᒋᑦ ᖃᓪᓗᓈᑎᑐᑦ ᖃᐅᔨᓴᕐᓃᑦ ᑭᓱᓕᕆᔾᔪᓯᕈᓘᔭᐃᓪᓗ ᖃᐅᔨᒪᔭᐅᓂᖅᓴᐅᓂᐊᕐᒪᑕ ᓯᓚᓄᑦ ᐊᑲᐅᙱᓕᐅᕈᑎᓂᒃ.
ᑲᒥᐅᓪ ᐳᐊᕆᐊᐃ ᑯᐸᐃᒃᒥᐅᑕᖅ ᑕᕐᕆᔭᐅᓯᐅᖅᑎ ᖃᐅᔨᔪᒪᓂᖃᑦᑎᐊᖅᖢᓂ ᐃᓄᖕᓂᒡᓗ ᖃᐅᔨᓂᕐᓂᒃ, ᐱᓕᕆᕙᒃᖢᓂ ᐅᓂᒃᑳᖅᑐᐊᓂ ᓱᓕᔪᓕᕆᔪᓂᓗ.
bottom of page